متحلمش روووعة جدا

<blockquote></blockquote>

فـ وسط الليل وانا سرحان
بلاقي العتمة مالكاني
فـَ بتلفلف على نفسي
واجفف دمع أحزاني
منيش حاوي..
منيش حاوي عشان أقدر أحارب خوف
بيسكن فيا وجداني
منيش ساحر..عشان أكدب على روحي
واقول يمكن نـعود تاني
نعود والفرحة بترفرف على بيتنا
ووسط جراحنا وحياتنا..دفا الأسرة يكون حاني
يروح الليل
ويشرق صبح
ونفس العتمة واخداني
وأبص لـنفسي واستغرب..عشان أوهامي غالباني
منيش فارس يصول ويجول
منيش قادر على زماني
ماليش فـ الدنيا غير أحـلام
ومن كـُتر الأسى والآه
زماني يقول ماتحلمشِ